Full opin um sín innstu mál.. eða hvað?

Það er mjög gott að Vala hafi fengið lausn sinna vandamála með þessari aðgerð.  En það sem mér finnst athyglisverðast við þessar tvær fréttir um Völu er það sem ég sé við hegðun og skilaboð.

Ef ég miða við hve ótrúlega opinská hún er til dæmis í þessu myndbandi og deilir mjög miklu um sín nýju kynfæri gæti það verið leið til að halda uppi ákveðinni ímynd og hylja þannig djúpan og erfiðan sársauka sem líklega er orðin mjög gamall og mikill. 

Að hafa stjórn á hvernig fólk tekur þér er ein leiðin til að eiga við eigin tilfinningaólæsi.  Það er einmitt gert svona, sjokkera og ganga vel fram af fólki.  Þú hrærir vel í tilfinningum annara og færð frið frá því að aðrir leggi í að deila tilfinningum sínum með þér.  Þú færð oftast bara þau viðbrögð sem þú biður um.  Fólk hugsar " Vá hvað hún er öðruvísi en ég" og heldur sig fjarri.  Sumir æsa sig og lýsa því hve hneyksluð þau eru en það eru viðbúin viðbrögð.

Hennar álit á holdlegan veikleika íslenskra karlmanna og forvitni þeirra á henni gæti verið þörf á að vera sérstök og gæti líka verið ákall á viðurkenningu.

Tilvísun í að hún hafi bjargað egói kærastans gæti verið þörf til að bjarga öðrum til að taka fókusinn af sínum eigin erfiðleikum.

Í öðru viðtali lýsir hún samskiptum sínum við tengdaforeldrana og það gæti verið leið til að fela erfiðleika sína með því að tala um og sýna erfiðleika annara.  Ekkert ólíkt því þegar einhver skiptir um umræðuefni.

Núna er upplifunin sterkust varðandi það hvað allt er orðið frábært og ævintýrið sem dreymt er um er að rætast.

Ég vona að hún upplifi þetta ekki svona og enginn ætti að ætla að það sé svo.  Þessar vangaveltur míinar eru aðeins vangaveltur og meira í ætt við atferlisfræðilegar pælingar. Ég vona sannarlega að henni gangi bara vel.

Ég vona líka að enginn taki þessu of persónulega þótt ég hafi tekið hana Völu sem dæmi um að lesa fólk.  

Íslenskir karlmenn eru graðir og forvitnir