Bréf frá Auðvaldi Aðal

Trúnaðarbréf  frá herra Auðvaldi Aðal, sem lak út til fámiðla.

 Kæri fjórflokkur,

Ég vil þakka samstarfið á þessu kjörtímabili sem er að ljúka.  Góður árangur hefur náðst, en betur má ef duga skal.  Ennþá er eitthvað fjármagn til í kerfinu og nú þarf að ná því fljótt og vel af almenningi.

Sameiginlegt markmið okkar er að eiga allt.

Í stuttu máli er aðgerðarplan fyrir kosningar á þennan veg:

• Almenningi er talin trú um að verið sé að reyna að bjarga heimilunum.  
• Samfylking þykist reyna að tala um stjórnarskrárbreytingar.
  
• Sjálfstæðisflokkurinn þykist á móti og dregur málin og tefur alla vinnu þings vikum saman, eða fram yfir kosningar. Árni fær bónus fyrir sönginn, Good Job!!
  
• Framsókn flytur inn sérfræðinga sem tala af viti, og lætur líta út að þeir séu nú að fara að gera eitthvað fyrir almenning.
• VG eru pínu á móti einhverju, og sammála helling. Aðal atriðið er að aðstoða við að tefja tímann.
  
• Passa að þingmenn komist ekki í kosningabaráttu og láta þá hanga á þingi í umræðutöfum.  Alls ekki leyfa neinum að velta steinum fyrr en við höfum náð öllu.
• Þessi töf gefur peninganna mönnum tíma til að ausa fé úr vösum almennings, koma fyrirtækjum og eignum undan. 
• Kosningarnar græða líka á þessu, því að meðan allir eru fastir á þingi er lítil umræða og fólk í fáfræði kýs gamla flokkinn sinn enn einu sinni. Við erum jú bara einn flokkur í fjórum litum, hehehe!!!
• Við erum lausir við L-listann og nú er að einhenda sér í að jarða Borgarahreyfinguna, sem er eina alvöru ógnin. Frjálslyndir svo gott sem búnir og Ástþór er alltaf jafn.... normal
• Eini peningurinn sem er eftir í landinu er í vasa almennings, eða mun rata þangað í formi launa.  Auðvaldið heldur áfram að taka þetta fjármagn til sín í formi hárra vaxta á innlendum lánum, myntkörfulánum og gjöldum og gilliboðum í bankakerfinu.  Því lengri tími sem líður, því meiri peningur næst af almenningi.  Allra nauðsynlegast er að halda óbreyttu ástandi, og ná til okkar öllum fasteignum, fyrirtækjum, atvinnuvegum og loks auðlindunum. Þegar “ríkið”(við) hefur eignast allt, munum við fara að deila arðinum á milli okkar.
• Vinsamlegast athugið að umsóknir um eignarhald í Landsvirkjun, Orkuveitunnni og símanum renna út daginn fyrir kosningar.  Landbúnaðurinn er farinn, svo og sjávarútvegurinn.  Eitthvað eftir af tryggingafélögum og lífeyrissjóðum, en það klárast örugglega í vikunni.

 Nauðsynlegt er að almenningur átti sig ekki á þessu og því er brýnt að stjórn þykist vinna að einhverju fyrir heimilin, og stjórnarandstaða pæli og pæli og pæli í pontu.

 Fáfræði almennings er okkar gróði

 Kær kveðja,

Auðvaldur Aðal

 

P.s. Hægt að nálgast nánari útlistun aðgerðarplansins á PDF skjali á vefsvæði alþingis, undir:  Sundurliðun eigna og innkaupa ræstitæknis forsætisráðuneytisins 2008-2009

 

Enn rætt um fundarstjórn forseta

Athugasemdir

[Magnús Sigurðsson, 7.4.2009 kl. 13:58]

Jólasveininn á þing og hraðbanka inn á hvert heimili fyrir lýðræðið.  Til bjargar heimilum og fyrirtækjum.