Velferðarmarkmið fjármála

Það er löngu ljóst með hvaða afli auðvaldið stýrir heiminum.  Það afl hefur lítið með fólk almennt að gera, annað en að kosta rekstur auðvaldsins.

Hver ætli sé munurinn á fólkinu í landinu og fyrirtækjunum sem verða afskriftum "að bráð"?

Fyrirtækin eru samsett af húsnæði, tækja og tölvubúnaði og rekstri. Stjórn rekur fyrirtækið og hefur til þess vinnuafl og mannauð sem vinnur að markmiðum þess.

Fólkið í landinu er mannauðurinn og vinnuaflið.  Auðvaldið hefur fyrir löngu fattað að vinnuafli og mannauði má skipta út.  Fyrirtæki má reka í þrot og byggja annað upp á ný, með öðru vinnuafli og mannauði þess vegna.  Eina sem þeir þurfa er fjármagn. 

Besta vina kerfi fjármála tryggir fjármagnið, og nú fæ ég ekki betur séð en að Stjórnir fyrirtækja sleppi, og geti svo nýtt sér nauðir landsmanna til að sækja mannauð og vinnuafl í næsta fyrirtæki, líklegast á verri kjörum "vegna þess að það er kreppa" og "erfitt" að reka fyrirtæki.

Við erum vinnudýr.  Við höfum sætt okkur við að vera vinnudýr og höldum okkur í góðum málum, því húsbóndinn "leyfir" okkur að upplifa "framleitt og skammtað frelsi". 

Við erum bundin skuldum við auðvaldið sem stýrir fjármálunum.  Skuldum sem við samþykktum til að geta lifað í "frelsi". Skuldum sem auðvaldið notar til að halda okkur föngnum.  "Við eigum á hættu að missa allt"  er hræðsluáróður auðvaldsins.  Við töpum bara tölum. Hlutum með verðgildi. Verðgildi ákveðnu af auðvaldinu.

Við erum bundin auðvaldinu sem stýrir atvinnu.  "Við gætum tapað atvinnu" er hræðsluáróður auðvaldsins.  Við töpum aðeins tengingu við fyrirtæki auðvaldsins og launum þaðan.  Við töpum ekki menntun og hæfni til vinnu.  Við töpum ekki andlegri heilsu né fjölskyldu.

Við erum bundin samfélaginu með lögum um hegðun. Lögum sem halda okkur í umhverfi auðvaldsins.  "Við gætum endað í skuldafangelsi, frelsissvipt" er líka hræðsluáróður auðvaldsins. Við höfum fyrir löngu tapað frelsinu.  Við erum öll í ól auðvaldsins, en auðvaldið ákvað að gefa okkur nægan slaka til að skoða garðinn.

Er þetta frelsi í dag? Nei þetta er ótti. Ótti sem er stýrt.  Slakað og hert með fjármagni.  Ótti okkar við auðvaldið, tengingar sem auðvaldið getur klippt á, og heldur okkur niðri.  Ekkert annað. 

Það merkilega er að auðvaldið þarfnast okkar.  Við erum erum hið raunverulega afl. Auðvaldið er aðeins stýring aflsins og þrífst ekki án okkar.

Og við gætum séð að auðvaldið hefur aðeins tak á okkur gegnum peninga og tölur í fjármálastofnunum, og við gætum séð að þessi flókni milliliður er í raun óþarfur.

 

Ótti er huglægur, og auðvaldið óttast að missa aflið

 

 

 

Afskrifa tæpa þúsund milljarða

Athugasemdir

[Heimir Tómasson, 7.2.2009 kl. 13:18]

Ég held að þú gætir haft gaman af að lesa pistlana eftir Sigga vin minn Pönk. Kíktu á það,

 www.helviti.com/punknurse

Hann er svakalega góður penni drengurinn með mjög svipaðar hugmyndir og þú. Sem að eru hreint ekki galnar, verð ég að segja. (Þarft að skrolla dálítið niður til að komast framhjá auglýsingunum (nú drepur hann mig.... he he))

[Greppur Torfason (IP-tala skráð) 8.2.2009 kl. 09:24]

Hæ Haukur. Skemmtileg færlsa. Gætir haft gaman af að lesa "Kapitalísk Hagfræði", fjallar um skort á andlegu markmiði í kapítalismanum, siðferði, fjármagnskerfið og neyslusamfélagið.