Hið besta mál

þegar stóri bróðir fer að herða ólina á lögbrjótum.  Verst að það hefur áhrif á okkur venjulega fólkið líka.

Það er heimskulegt að það þurfi yfir höfuð að herða viðurlög og aðlaga umferðalögin að breyttum aðstæðum.  Hefur fólk ekki orðið skynsamara?   Er greindarvísitala íslendinga að lækka?  Er fólk fífl?

Þeir sem virkilega vilja aka bíl ólöglega fá bara lánaðan annan bíl sem ekki er "varinn" hugsanlegum lögbrotum. Hraðakstursbeljurnar finna alltaf leið fyrir fíknina sína, og ölvímumenn líka.

Hvernig væri að fara alla leið og taka upp rafræn ökuskírteini?  Þá verður rafeindalás í hverjum bíl, og lykillinn er rafrænt ökuskírteini. 

Þá myndi ökuskírteinið koma í veg fyrir að þú akir ökutækjum sem þú hefur ekki réttindi til, og lögreglan getur sektað um hundruð þúsunda þá sem aka ökuréttindalausir, og sekta þá einnig sem lána ökuskírteinin sín.

Svo verður GPS tæki í hverjum bíl þar sem lögreglan skoðar ökuferilinn tengdan hverju ökuskírteini og persónu, og bílarnir senda skilaboð um hve hratt er ekið, yfir á rauðu, og svo framvegis. Sektað verður fyrir allt mögulegt og tækjabúnaðurinn borgar sig upp á örfáum árum.  Eftir það er ríkislögreglustjóri í blússandi plús. 

Og það getur engin mótmælt slíkum tækjabúnaði.  Mótmælendur eru fólk með einbeittan brotavilja.

Það er nefnilega bannað að brjóta lögin. 

 

 

Skoðað hvort tekjutengja eigi umferðalagasektir

Athugasemdir

[Bára (IP-tala skráð) 24.12.2007 kl. 10:38]

Óska þér,Helgu og Heiðari Darra gleðilegra jóla.  Takk fyrir árið sem er að líða.