Fíkn?

Skjár Einn ætlar að rukka fyrir dagskrá stútfulla af gotteríi fyrir dramafíkla, erfiðleikafíkla, draumórafíkla, spennufíkla og sorafíkla. Fréttafíklar fá hins vegar frítt endurtekið fréttaefni. 

Þetta er engin vitleysa.  Annars vegar er það kaldur veruleikinn.  Morð, kynferðisglæpir, fíkniefni og tilfinningarússibanar fíkla í öllum myndum er dregið heim í stofu og beint í fangið á þér.

Hins vegar má finna til með fólki sem hamast við að verða eitthvað annað en það er. Líta öðruvísi út, bæði í fötum og líkamsbyggð, haga sér eftir forskriftum og áliti annarra.  Hver lifir af á eyjum, hver tapar flestum kílóum, hver er draumaprinsinn, hver getur málað herbergi og hent upp mynd sem "harmonerar" við þemað,hver verður næsta ameríska eða breska tuskumódelið, og hvernig líturðu út nakin.

Eina sjónvarpsefnið með viti, þ.e. hefur hátt hlutfall fræðandi gagns, er á Rúv. 

Þeir sem hafa sjónvarp til þess að eyða upp tíma eru ekki sammála mér.  Þeir sem hafa sjónvarp til að gleyma sinni veröld og finna til með sætri stelpu sem þarf að velja einn af tíu sætum strákum, eða horuðu stelpunni sem langar svoooo að verða módel, eða hommanum sem ráðskast með miðaldra konur með valkvíða, eru ekki sammála mér.   Fréttafíklarnir sem horfa á sömu fréttirnar umorðaðar þrisvar á sama klukkutímanum eru ekki heldur sammála mér.

 

SkjárEinn verður áskriftarstöð