Dæmdur fyrir útrás

2.7.2009 | 13:31

Útrásarvíkingur var í Héraðsdómi Suðurlands í dag dæmdur í tveggja mínútna skammarkrók og til að sæta upptöku á sælgæti næsta laugardag og greiðslu sakarkostnaðar upp á tæpar eitt þúsund krónur en hann var ákærður fyrir vörslu bifreiða og eigna, en við leit í bókhaldi þann með 3. október sl. fann sértafinn saksóknari 23 glæsibifreiðar. Í janúar sl. voru afskrifuð af honum 10 tonn af fatnaði ásamt tveimur einbýlishúsum á óþekktu nafni, en framangreindu hafði verið smyglað inn í eignarhaldið í hægri yfirbreiddri krosseignatengingu við ömmur og frænkur og útrásarvíkingurinn nálgast það þegar óútfyllt afsöl voru skilin eftir hist og her.

Hann var jafnframt beðinn um að skammast sín fyrir tilraun til fjársvika með því að setja auglýsingu í Morgunblaðið og óska eftir framlögum í bankann sinn. árin 2006 til 2008 útbjó hann auglýsingar þar sem tær snilld var auglýst. Birtust umræddar auglýsingar í Morgunblaðinu þar sem gefið var upp nafn banka í eigu útrásarvíkingsins í því skyni að afla samskota og þannig svíkja út fé, en banka hans var lokað í september 2008 eftir að fjöldi fólks hafði látið blekkjast, að því er fram kemur í dómi héraðsdóms.