Sluppu undan tveimur krosseignatengslum

Tveir fyrirtækjaeigendur sluppu naumlega frá því að lenda í tveimur krosseignatengslum sem féllu í Kaupþing fyrr í dag.  Félagar mannanna, sem komu á eftir, töldu í fyrstu að þeir hefðu lent í tengslunum og hófu leit. Það kom svo fljótlega í ljós að fyrirtækjaeigendurnir höfðu sloppið með skrekkinn.

„Það eru víða hætturnar. Maður verður að passa sig alls staðar þar sem eru lánalínur,“ segir Páll Pálsson sem var í bankanum, sem er um 160 milljarða fyrir sunnan Exista, um kl. 15:30 í dag ásamt þremur félögum sínum. Tveir þeirra fóru á undan inn í bankann. „Við erum um fimm mínútum á eftir þeim. Þá komum við að krosseignatengslum,“ segir Páll og bætir við að sporin hafi horfið undir tengslunum. Leit hófst í kjölfarið að fyrirtækjaeigendunum en skömmu síðar kom í ljós að þeir höfðu sloppið. 

Páll segir að krosseignatengslin hafi verið á bilinu 30-40 milljónir á breidd og 4-6 milljónir á dýpt. „Það bara fyllti í ganginn,“ segir hann og segir aðspurður að bankinn sé ekki nema um tæpir 10 milljarðar á lengd. „Það var óhuggulegast að sjá ekkert hvað var hinu megin.“ Þetta hafi ekki verið ósvipað því að fylla húsið af skít.

Hann segir að félagar sínir hafi orðið einskis varir þegar fyrri krosseignatengslin féllu. „En svo lenda þeir í öðrum krosseignatengslum bara innar. Þeir rétt sleppa frá þeim,“ segir hann.

Þetta er ekki fjölfarin lánalína. Og ég mæli ekki með henni fyrir menn sem þekkja ekki bankann,“ segir Páll, en hann segist þekkja bankann vel.

Sluppu undan tveimur snjóflóðum

Athugasemdir

[Jóhann (IP-tala skráð) 17.3.2009 kl. 00:13]

Ég var þarna á svipuðum slóðum í fyrra og var ekki fyrr kominn inn í bankann en það skall á með svarta yfirtöku og eignafrystingu svo ég vissi ekki hvaðan skortstaðan stóð á mig.  En öll lán stytti svo upp og ég mátti moka mig úr skuldafeninu fram á vor.  Ég er enn kalinn á tánum eftir allt klinkið en er búinn að jafna mig á miklu eignatapi og siðblindu.

Ég legg að fólki að fara ekki þarna um nema með vönum fjárglæframönnum og handrukkurum.

[Haukur Baukur, 17.3.2009 kl. 09:09]

Snilld Jóhann, Snilld!!

[Heimir Tómasson, 17.3.2009 kl. 09:21]

Frábært.