Stjórnvöld í afneitun

Mér sýnist Vilhjálmur lýsa stjórnvöldum og sérstaklega fjármálafyrirtækjum eins og ábyrgðarlausum einstaklingi í afneitun, sem þiggur ekki aðstoð við að komast úr úr brestum sínum, og neitar að viðurkenna mistökin sín..

Vil vitna í grein sem ég skrifaði fyrir stuttu um hömlulausa skuldara.

"Þessi skuldari lifir í vanmætti gagnvart fjármálum og er stjórnlaus í leit að lausnum. Margir dvelja einfaldlega í afneitun.  Skuldarinn hefur þá rörsýn og ranghugmynd að hann geti "reddað" heimilinu og skuldunum með skammtíma reddingum.  Hann skortir yfirsýn og sér aðeins hluta af vandanum.  Hann er í skömm og gerir allt sitt til að breiða yfir.  Vegna þess að hann er í skömm þorir hann ekki að koma upp á borð með lýgina og notast við það sem hann hefur til að "bjarga sér".  Ræðir við lokaðan hóp frekar en þá sem ættu að vita af vandamálinu.  Hann stofnar til skulda án ábyrgða, því þær skuldir getur hann nálgast og nýtt  til að bjarga ástandinu án þess að heimilið viti af.  Hann stofnar til skulda í ábyrgð án vitundar heimilisins, og hann lýgur að ábyrgðarmanni um aðstæður.  Allt er gert til að fela skömmina og mistökin, og óheiðarleikinn verður öllu sterkari. Og því lengri tími sem líður verða atburðir, afleiðingar og skuldastaða verri.

Fyrir slíkan skuldara er þögnin er besta vopnið.  Skuldarinn forðast að tala um stöðuna og oftar en ekki lýgur hann til um stöðuna til að vernda sjálfan sig.  Fegrar ástandið. "

Sorgarferlið sem Vilhjálmur nefnir er í tilfelli þjóðarinnar að upp komst um mikinn óheiðarleika og í raun lygavef stjórnvalda og bankanna.  Þjóðin er reið og skilur ekki hvers vegna hún er í þessum sporum, og skilur enn fremur ekki af hverju stjórnvöld og bankar lifa í afneitun og vilji ekki gera rétt til að bæta ástandið.

Grein um hömlulausa skuldara í heild Hömlulausir skuldarar

Aldrei of blönk til að hugsa