Ég kann ekki að lenda, sagði bankastjórinn

Seðlabankastjóri nokkur flaug efnahagsstefnu sinni með 300.000 farþegum innanborðs alla leið frá Stöðuleika til Góðæris, en tilkynnti þeim þá að hann yrði að snúa við þar sem hann væri "ekki hæfur til að lenda".

Bankastjórinn tók ákvörðun sína þar sem þykkur skuldahali gerði það að verkum að ógerlegt væri að lenda í Góðæri. Hann upplýsti farþega sína um að hann hefði ekki hlotið þá þjálfun sem til þyrfti að lenda í slíkum skilyrðum. Hann sneri því við og lenti með farþega sína í Kreppu nokkur þúsund milljörðum eftir að efnahagsstefnan hófst á loft.

Jóna Pálsdóttir var farþegi í útrásinni og skuldar enn fyrir miðann. Hún sagði eftir atvikið:  „Tuttugu mínútum áður en við komum til góðæris sagði bankastjórinn að IMF  áskildi að hann hefðu 2. gráðu hagfræðiréttinda til að lenda en hann væri bara með fimmtu gráðu. Þess vegna yrðum við að snúa við.“ Jónu fannst heldur lítið til um bankastjórann og menntun hans.

Farþegarnir fengu að fara til andskotans þar sem þeir bíða nú langeygir uppbyggingar með hæfum bankamönnum til framtíðarinnar, að því er segir á Hananúna.

Ég kann ekki að lenda, sagði flugmaðurinn