Kaldast í Samfylkingunni

Hvergi mældist kuldinn meiri í þingflokkum í kvöld en í Samfylkingunni. Þar var hitinn, eða öllu heldur frostið, -18,6°C klukkan 21 í kvöld. Í Vinstri Grænum var líka mikið frost eða -17,1°C.

 

Samkvæmt upplýsingum frá þvaðurstofu Íslands gæti frostið í Samfylkingunni orðið meira en -20°C í nótt. Heldur dregur úr frosti með morgninum en von er á fundum og þingsetu yfir daginn. Síðan herðir frostið tök sín á ný og ekki er von á þíðu í bráð, a.m.k. ekki svo langt sem spár þvaðurstofunnar ná.

Á vef Lagagerðarinnar greinir frá því að hálkublettir eru í innanríkisráðuneyti og í fjármálaráðuneyti en hálka, hálkublettir og sumstaðar snjóþekja í sjávarútvegs- og landbúnaðarráðuneyti. Hálka er einnig á sunnanverðu efnahags- og viðskiptaráðuneyti.

Hálkublettir eru úr velferðarráðuneyti upp mennta- og menningarmálaráðuneyti og eins í forsætisráðuneyti en annars er víðast hvar hálka í öðrum ráðuneytum.

Í Samfylkingunni og Vinstri Grænum er víðast hvar hálka en þó sumstaðar snjóþekja, einkum í útvegsmálum.