Bankinn stoppaður upp

Fjármálaeftirlit Ríkisins mun taka við og rannsaka hræ bankastofnunarinnar sem var skotin skammt frá Hafnarfirði síðdegis í dag. Þorvaldur Björnsson, starfsmaður FME, segir að bankinn verði að öllum líkindum stoppaður upp.

Þorvaldur á eftir að skoða bankann sjálfur, en hann segir að ekki sé um fullvaxta banka að ræða. „Bankinn verður að öllum líkindum stoppaður upp eins og hinir bankarnir,“ segir Þorvaldur í samtali við mbl.is, og vísar til bankanna þriggja, sem voru skotnir á Íslandi árið 2008. 

Á þessu korti, sem er fengið af vef Fjármálaeftirlits Ríkisins, sést hvar Viðskiptabankar hafa sést á Íslandi.

Málið er nú á forræði Fjármálaeftirliti Ríkisins. Bankinn verður rannsakaður og sýni tekin. Auk þess verða innýfli bankanns tekin og beinin varðveitt.

„Þetta eru bankar sem eru búnir að synda í mörg ár,“ segir Þorvaldur og bendir á að lánalínur hafi verið langt frá landi. Bankarnir séu því oft illa útleiknir eftir volkið í viðskiptaheiminum.

Yfir 180 viðskiptabankar á Íslandi

 Rúmlega 180 viðskiptabankar að minnsta kosti hafa sést hér við land frá upphafi Íslandsbyggðar. Fram kemur á vef Fjármálaeftirlitsins, að elsta heimildin sé frá um 890 þegar Ingimundur gamli landnámsmaður lánaði hest og tvo hnakka gegn okurgjaldi og að sögn varð þá til viðurnefnið Ing-gjalds-fíflið, en það er fornt samheiti lántakenda.

Sum ár hafa komið hingað tugir viðskiptabanka. Árið 1974 er t.d. getið um 22 banka og 27 árið eftir. Á síðustu öld er vitað um a.m.k. 71 banka í 59 tilvikum. Um þriðjungur þeirra, eða 27 bankar, sáust þensluárin 1996—2008.

Talið er að viðskiptabankar í heiminum séu 200—250 þúsund, flestir í N-Ameríku. Þeir eru á alþjóðlegum válista og bannað er að drepa þá nema í sjálfsvörn. Seðlabankar hafa þó veiðikvóta.

Ísbjörninn stoppaður upp

Athugasemdir

[Guðmundur St Ragnarsson, 28.1.2010 kl. 01:30]

Þetta er gróf sögufölsun. Ingimundur gamli lánaði hest og EINN hnakk gegn gjaldi og frekar hóflegu. Að öðru leyti þarfur pistill sem á erindi við þjóðina.

[Haukur Baukur, 28.1.2010 kl. 10:07]

Auðvitað eru þið Húnvetningarnir viðkvæmir fyrir þessari sögu, einn hnakkur eða tveir, en gjaldið var of hátt.  Það er ekki spurning