Framtíðar útrásarvíkingar

Ég hef þá einlægu trú að útrásarvíkingarnir, eigendur banka og risafyrirtækja, stjórnendur og bestuvinir þeirra séu allir með spennu- og spilafíkn.

Hér er stutt lýsing á einkennum spilafíkla, sem skoða má nánar á www.spilafikn.is.

Spilafíkn vísar til þrálátrar og endurtekinnar hegðunar sem greina má af fimm (eða fleiri) af eftirtöldum einkennum:

1. Viðkomandi er upptekinn af peningaspili eða veðleikjum. Hann er upptekinn af síðasta spili, af því að undirbúa eða leggja á ráðin um næsta spil eða finna leiðir til að útvega peninga til að geta spilað með.

2. Hann þarf að leggja meira fé undir en áður til að öðlast þá spennu sem sóst er eftir.

3. Endurteknar tilraunir til að hafa stjórn á, draga úr eða hætta peningaspilum hafa mistekist.

4. Eirðarleysis eða pirrings gætir  þegar reynt er að draga úr eða hætta peningaspilum.

5. Viðkomandi notar ýmis peningaspil og veðleiki sem aðferð til að flýja vandamál eða bæta úr vanlíðan (t.d. hjálparleysi, sektarkennd, kvíða, þunglyndi).

6. Þótt einstaklingur hafi tapað miklu fé spilar hann áfram og gerir sér óraunhæfar vonir um að vinna upp tapið.

7. Einstaklingurinn lýgur að fjölskyldumeðlimum, meðferðaraðilum eða öðrum til að leyna því hve djúpt hann er sokkinn.

8. Viðkomandi hefur gripið til ólöglegs athæfis til að fjármagna peningaspil, t.d. skjalafals, fjársvika, þjófnaðar eða fjárdráttar.

9. Hlutaðeigandi hefur stofnað í hættu eða glatað dýrmætum tengslum við fólk, atvinnu, skólagöngu eða tækifærum á frama vegna peningaspila.

10. Hlutaðeigandi treystir á fjárhagsaðstoð annarra til að bæta slæman fjárhag sem rekja má til peningaspils.

 Getur þú staðsett útrásarvíkinginn þinn á þessum lista?  Ég vona að einhver geti gaukað þessum upplýsingum að þeim og þannig boðið þeim stuðning.  Lífið er ekki eins erfitt og þeir upplifa það.

Spila Olsen Olsen upp á peninga