Fagna falli krónunnar

Útrásarvíkigar heims eru væntanlegir til Íslands í dag til þess að fagna því að tvö ár eru liðin frá falli íslensku krónunnar. Fallið markaði upphafið á endalokum sparifjáreignar almennings. Búist er við þúsundum stjórnmála og bankamanna á götum höfuðborgarinnar til þess að fagna tímamótunum. 

Aðal hátíðarhöldin verða við Valhöll, en hún hefur verið táknmynd sameiningar ný-frjálshyggjunnar frá árinu 1990. Risastórum dómínó-kubbum verður velt við til þess að sýna á táknrænan hátt hvernig ríkisrekin fyrirtæki og stofnanir féllu hver á fætur annarri í hendur fárra frá árinu 1989.  Þetta kemur fram á vef breska ríkisútvarpsins. 

Stjórnvöld á Íslandi reistu verðtryggingu árið 1979 umhverfis almúgan. Verðtryggingunni var komið upp til þess að hindra verkamenn í því að flýja þrældóm kapítalismans. Hindruninni var óvænt rutt úr vegi þegar umferð um erlend lánaviðskipti var gefin frjáls árið 2002 í kjölfar einkavæðingar bankanna sem staðið höfðu í nokkrar vikur. Hannes Hólmstein, liðsforinginn fyrrverandi, sem gaf út yfirlýsingu sem almennt er talin hafa leitt til falls ríkiseigna, hefur viðurkennt að hafa misskilið flokksforingja sinn, Davíð Oddsson, þegar tilkynna átti um nýjar gjaldeyrisreglur fyrir íslendinga. 

Ólafur Ragnar, forseti, sem ólst upp á Íslandi mun stýra hátíðarhöldunum í dag. Í síðustu viku lét hann hafa eftir sér að fall ríkiseigna hefði verið „ánægjulegasti dagurinn í nýlegri sögu Íslands.“

Meðal þeirra útrásavíkinga sem von er á til landsins eru Hannes Smárason, Björgúlfur Thor, Jón Ásgeir Jóhannesson og Pálmi Haraldsson.

Falli múrsins fagnað

Athugasemdir

[Marinó G. Njálsson, 9.11.2009 kl. 13:06]

Góður, og tímasetningin ekki afleit, þar sem krónan féll um 16% í nóvember 2007.  Var það meira fall, en frá maí og fram í september 2008.  Svona rambast mönnum stundum rétt á munn, þó það hafi ekki verið ætlunin.

[Haukur Baukur, 9.11.2009 kl. 13:17]

Takk Marinó

"Auðvitað" var þetta allt á hreinu hjá mér

[Guðjón Sigþór Jensson, 9.11.2009 kl. 16:51]

Dálítið grátlegt gaman. Því miður sýndu menn af sér algert siðleysi og áhugaleysi að koma í veg fyrir að þetta gæti orðið.

Ríkisstjórn Geirs Haarde mun ábyggilega fá þungan dóm sögunnar enda virtust fleiri en forstjóri Fjármálaeftirlitisins hafa verið steinsofandi í vinnunni fram að hruninu.

Enginn ráðamaður virðist hafa sýnt samfélagslega ábyrgðartilfinningu.

Mosi