Hugsanaleysi og blinda?

Niðurskurður í heilbrigðiskerfi og menntamálum.  Hverju bjargar það?

Af hverju er ekki tekið á vandamálinu, sem er of stórt og rotið banka- og fjármálakerfi? 

Ég hef ekki tekið eftir miklum niðurskurði í bankakerfinu.  Við erum ennþá með hlutfallslega eitt stærsta bankakerfi í heimi.  Er nauðsynlegt að halda opnum öllum þessum bönkum?  Er bullandi samkeppni og útrás?

Allir vita að þetta er fjármálakreppa sem bankakerfi og spilling þar framreiddi.  En það er sjálfsagt mál að halda uppi því skemmda og skera frá það sem skiptir máli, til dæmis menntun og heilbrigði.

Þetta minnir á alka sem skiptir um vinnustaði, konur, vini og flytur reglulega, en tekur aldrei á sjálfu vandamálinu.

Vandamál okkar er ekki peningur, heldur ást á peningum.

Lærum að þykja vænt um fólk. 

Flatur niðurskurður hættulegur