Eitthvað ekki alveg rétt

Ekkert nema græðgi að pína fólk til þess að greiða af lánum sem hafa umreiknast langt yfir verðmæti bifreiðanna.  Allir vita að þetta er siðlaust og að þetta mun gera út af við fjölskyldur.   Þægilegt að geta bent á stjórnvöld þegar hrópað er á aðgerðir til bjargar heimilunum.  Fjármögnunarfyrirtækin nefnilega hafa bara leyfi til að bæta sinn hlut , eða eins og Halldór Jörgensson, framkvæmdastjóri Lýsingar,segir:

„Lýsing er bundin reglum Seðlabankans og ber meðal annars samkvæmt þeim skylda til að halda gjaldeyrisjafnvægi. Það eitt og sér takmarkar okkur í að grípa til þeirra úrræða sem eru til umfjöllunar,“

Bílalán með lánfjárhæð skilgreinda í íslenskum krónum, greitt er út í íslenskum krónum, greitt er af í íslenskum krónum, hefur hvað mikil áhrif á gjaldeyrisjafnvægi? 

Jú, auðvitað.  Verðtryggingin er í erlendu gengi, til dæmis jenum og dollar, og það má ekki hrófla við því.  Ekki viljum við auka vanda Japana og Bandaríkjamanna.  

 

Sé leigugjald í lið III, gengistryggt að hluta eða að öllu leiti er miðað við breytingar á gengi þeirra erlendu gjaldmiðla gagnvart íslensku krónunni á samningstímanum.  Á útgáfudegi hvers leigureiknings taka einstakar leigugreiðslur því breytingum til hækkunar eða lækkunar miðað við sölugengi hinna erlendu gjaldmiðla gagnvart íslensku krónunni.  Jafnframt taka leigugreiðslurnar breytingum miðað við vexti erlendu gjaldmiðlanna á millibankamarkaði í London (LIBOR). Leigufjárhæðin er hins vegar alltaf innheimt í íslenskum krónum.  Við útreikning á leigu skal miða við skráð sölugengi Sparisjóðabanka Íslands ehf, á viðkomandi gjaldmiðli/eða gjaldmiðlum eins og það er á hverjum tíma.

(úrdráttur úr almennum skilmálum bílasamnings)

 

Kannski féll krónan svona mikið vegna þess að það frystu svo margir bílalánin sín!!!

VAKNA!!!!!!

Skoða fleira en frystingar á bílalánum