Þóttist vera útrásarvíkingur

Keppandi í raunveruleikaþætti á Sjá Neinum, Hannes Smárason, lýsir því yfir í viðtali við kvennablaðið Vikuna að hann hafi verið fenginn til að þykjast vera útrásarvíkingur og viðskiptafélagi Jóns Ásgeirs sem Ólafur Ragnar Grímsson, forseti Íslands, hefur verið sakaður um að vera í tygjum við.

Í viðtalinu við kvennablaðið, sem greint er frá á fréttavef LSD, segir Hannes, sem er 41 árs, að  meint viðskiptasamband hans við manninn, Jón Ásgeir, hafi verið skipulagt eftir að forsætisráðherrann var gestur í 40 ára afmælisveislu hans. Þrýst hefur verið á forsætisráðherrann að útskýra samband sitt við Jón Ásgeir.

Eiginkona forsetans, Dorrit, hefur krafist skilnaðar og segir að hún geti ekki verið með manni sem sé í tygjum við útrásarvíkinga. Forsetinn kvaðst eingöngu hafa farið í afmælisveisluna vegna þess að hann hafi verið í hverfinu þann dag. Hann benti einnig á að hann væri gamall vinur fjölskyldu hans.

Síðar hafa verið birtar myndir af þeim saman við ýmis tækifæri á síðasta ári en þá var útrásarvíkingurinn aðeins 39 ára. Forsetinn hefur staðfest að Jón Ásgeir hafi dvalið í húsi hans á Bessastöðum og verið í veislu þar.

Í viðtalinu við kvennablaðið segir Hannes að Jón Ásgeir hafi beðið hann um að þykjast vera viðskiptafélagi sinn þremur til fjórum dögum eftir afmælisveislu hans.. Stuttu seinna voru birtar myndir af þeim þar sem þeir voru að bruðla í tímariti sem er gefið út af fyrirtæki í eigu Jóns Ásgeirs fjölskyldunnar.

Ungi maðurinn segist ekki hafa talað við Jón frá því 7. júní. Hann segir að hann hafi verið sendur í burtu þar sem hann hafi vitað of mikið en bætir því við að enn hafi hann ekki sagt allan sannleikann.

Í síðasta mánuði vísaði íslenski forsetinn á bug ásökunum um  að hann hefði greitt auðjöfrum fyrir að sækja veislur í opinberum bústað hans.

Íslenskir fjölmiðlar hafa birt myndir af fögrum konum og meintum ríkum karli við hús forsætisráðherrans á Bessastöðum og einnig af frægu fólki á leið til bústaðarins í embættisbíl hans.

Þóttist vera kærastinn