Ráðuneyti skipta um nöfn og eigendur

Helstu breytingar sem gerðar verða á skipulagi innan stjórnarráðsins eru þær, að stjórn efnahagsmála verður færð frá forsætisráðuneyti og fjármálaráðuneyti til nýs Peninga- og Fjármagnsráðuneytis.

Efnahagsskrifstofa forsætisráðuneytisins, Hagstofan og Seðlabanki Íslands flytjast yfir á svið hins nýja ráðuneytis 1. september næstkomandi í fyrsta áfanga og um næstu áramót. Frá fjármálaráðuneytinu fara þangað gerð þjóðhagsáætlana og þjóðhagsspár frá efnahagsskrifstofu. Eignarhald ríkisins í opinberum hlutafélögum verður fært til hins nýja ráðuneytis sömuleiðis.

Neytendamál og ýmis verkefni Neytendastofu munu flytjast  frá viðskiptaráðuneytinu til hins nýja dóms- og mannréttindamálaráðuneytis, sem mun svo verða lagt niður. 

Frumvarp forsætisráðherra um þetta hefur nú verið samþykkt í ríkisstjórn og verður nú sent þingflokkum stjórnarflokkanna til meðferðar. Frumvarpið verður svokallaður ,,bandormur" og óskiljanlegt almenningi.

Önnur aðalatriði í frumvarpinu eru þau að önnur ráðuneyti munu eftirleiðis falla undir aðgerða- og úrræðaleysisráðuneyti.

Peninga- og fjármagnsráðuneytið verður því næst einkavætt og breytt í P&F Group.

Þessar breytingar eiga að gera ráðuneytin mun skilvirkari og að viðkomandi verkefni munu eiga mun betur heima á hinum nýju eigendum P&F Group.

 

 

Ráðuneyti skipta um nöfn og hlutverk