Útrásarvíkingi með þingmann í bandi vísað úr sundi

Útrásarvíkingurinn Hannes Þórhallsson, sem hefur þingmanninn sinn í hundaól, fékk ekki að fara með hann í sund vegna ótta um að þeir kynnu að vinna öðrum sundgestum mein.

Hannes er 35 ára og þingmaðurinn hans, Þröstur Bergljótsson, er 39 ára. Þeir eiga heima í Reykjavík. Þeir segja sundlaugarnar hafa brotið á sér með því að þeim hafi verið vísað úr einni sundlaug og bannað að fara í aðra.

Sundlaugar Reykjavíkur segir öryggi sundgesta vera í fyrirrúmi, en tilvik Hannesar og Þrastar sé til athugunar.

Hannes sagði í viðtali við AMX: „Við erum vanir því að horft sé á okkur og orð látin falla. En við bjuggumst ekki við þessu [í sundi]. Þetta er þjónusta fyrir almenning. Við vorum með sundkort og höguðum okkur á engan hátt óeðlilega sem sundlaugargestir.“

Þröstur segist sjálfur hafa átt hugmyndina að því að ganga með hundaólina, en fyrri útrásarvíkingar hafi sagt að hann væri „skrítinn“ er hann stakk upp á því við þá.

Hannes og Þröstur segjast ákaflega samrýmdir, og að hundaólin sé „til marks um traust.“ Hannes segist gera allt fyrir þingmanninn sinn, safna stuðningi við hann, gefa honum fyrirtæki og fela spillinguna þeirra. Enginn myndi ætlast til þess að gæludýr sjái um fyrirtæki eða fela spillingu.

Þröstur segist hæstánægður með að vera „gæludýr.“ Það sé mjög auðvelt líf. Einhverjum kunni að finnast þetta furðulegt, en hann hafi ákveðið þetta sjálfur. „Þetta skaðar engan.“

Gota með kærustuna í bandi vísað úr strætó

Athugasemdir

[Bjarni Harðarson, 30.3.2009 kl. 09:47]

tær snilld. vona að þér mislíki ekki stuldur með tilvísun!

[Páll A. Þorgeirsson (IP-tala skráð) 30.3.2009 kl. 16:19]

Mér mislíkar ekki svona stuldur.  Það þarf "þjóðarstuld" til þess.  Skoða kannski betur "hundasundsmálið" á eftir.

Ég fékk næstum "áfall" og "mislíkaði" þegar þú tjáðir alþjóð í Silfri-Egils um verðandi forsætisráðherra.  Þú hefur greinilega góð sambönd    Guð forði þjóðinni frá þeim ráðherra ef ég tek mið af hans vinnubrögðum í núverandi ríkisstjórn.

[Haukur Baukur, 30.3.2009 kl. 20:34]

Njóttu vel Bjarni minn :)

Þú mátt stela eins og þú getur af þessu :)