Hvað er vandamálið??

Af hverju féll hún?  Góðar einkunnir og góð mæting, en henni leið ömurlega og flosnar úr námi???

Hvaða ástand var sjúkt?  Og hvort var það þriðja eða fjórða önnin?

Hún hreitir orðum í námsráðgjafann, og virðist hissa á að  skólinn sinnti hennar vanlíðan ekki.

Er fréttin um að henni leið illa, eða um skólann?

Um hvað er þessi frétt?

Keyrði 70 km í FB frekar en halda áfram námi í FSu

Athugasemdir

[Ólöf Karlsdóttir, 25.2.2009 kl. 12:27]

Ég held þú verðir að lesa pistilinn til að skilja það .Fyrirgeðu en ég varð að svara þessu.

[Guðbjörg Elín Heiðarsdóttir, 25.2.2009 kl. 13:24]

Það er greinilegt eitthvað mikið að þegar nemandi velur það að aka 70 km. leið yfir Hellisheiði um há vetur til að stunda námið sitt. Mér finnst það ekki skipta máli hvaða önn það var sem námsráðgjafinn hringdi í hana til að segja henni að hún hafi fallið í öllu, heldur ætti námsráðgjafinn að skoða námsferilinn hennar og kanna út frá honum hvað olli því að hún fellur eftir að hafa haft góðar einkunnir þar á undan.  Ekki satt ?

[Elva (IP-tala skráð) 25.2.2009 kl. 13:25]

Góð spurning. Þetta er svona ekki frétt...

[Guðbjörg Elín Heiðarsdóttir, 25.2.2009 kl. 13:29]

Eitt enn...  að sjálfsögðu gengur fréttin út á það hvernig henni leið í skólanum og hvað er að gerast í Fjölbrautarskólanum á Selfossi.  Hvað ætli sé í gangi í skólanum ? Einelti, stjórnleysi ,eða hvað ?

[Eggert Jóhannesson (IP-tala skráð) 25.2.2009 kl. 13:35]

Held það sé nú nokkuð ljóst þeim sem hafa fylgst með mbl.is undanfarið um hvað þessi frétt snýst.  Það er hins vegar ekki nokkur leið að finna það út með því að lesa hana.  Þetta er safn af samhengislausum setningum með enga rökrétta tengingu.

Að mínu mati afar léleg vinnubrögð, en það er nú líka öllum ljóst sem fylgjast með á mbl.is að það er staðallinn.

[Guðbjörg Elín Heiðarsdóttir, 25.2.2009 kl. 13:44]

Eggert hvað átti þetta nú að þýða ?  Held að ég kannist við þig Eggert ...

[Guðbjörg Elín Heiðarsdóttir, 25.2.2009 kl. 13:46]

Eggert lest þú mikið Fréttablaðið eða líkar það betur ?  

[eva sol (IP-tala skráð) 25.2.2009 kl. 14:22]

Ég skildi fréttina strax og fannst hún snúast um einelti og að skyndileg breyting á námsárangri og mætingu hefði ekki vakið neinn til umhugsunar. Mér finnst símtal námsráðgjafans sýna sinnuleysi eða skilningsleysi. Hvað mig varðar á hún fullan rétta á sér.

[Haukur Baukur, 25.2.2009 kl. 14:50]

Það var mín fyrsta hugsun líka að stúlkan hafi lent í einhvers konar einelti eða óréttlæti, en það kemur hvergi fram.

Það er ýjað að ýmsu og sett í minn hlut að dæma.

En þetta gæti líka þýtt svo margt annað. Hún gæti þess vegna fengið námleiða og farið að læra eitthvað sem ekki er í boði í FSu.

Stórvarasöm vinnubrögð og ætti ekki að skilgreina sem frétt. Hvorki gott fyrir stúlkuna né skólann.

[Auður (IP-tala skráð) 25.2.2009 kl. 15:01]

Ég bý 92km frá RVk en stunda hér nám vegna þess að ég vil ekki stunda ná í FSu sem er minn "heimaskóli" ég var þar í 1 önn og leið ekki vel, ég var með vinum mínum og það var frábært en mér finnst þetta hreint ekki góður skóli, ekki kennararnir eða hvernig haldið er um nemendurna eða neitt...þið sjáið hvað er að gerast þar núna, fólk lamið í hausinn með steinum og sparkað í það liggjandi og skólinn gerir ekki neitt...

[Hmmm (IP-tala skráð) 25.2.2009 kl. 15:03]

»ÞEGAR ég lít til baka sé ég hvað þetta var sjúkt ástand. Mér leið ömurlega í skólanum og flosnaði upp frá námi,« segir Jóhanna Magnúsdóttir, fyrrverandi nemandi í Fjölbrautaskóla Suðurlands á Selfossi (FSu). »Á þriðju eða fjórðu önninni minni í FSu hringdi í mig námsráðgjafi og tilkynnti mér að ég hefði fallið í öllu. Ég hreytti bara í hann að ég vissi það ósköp vel. Það sem mér finnst hins vegar sárast er að það sinnti þessu enginn í skólanum. Það spurði enginn kennari sjálfan sig hvað væri eiginlega í gangi með þennan nemanda; aldrei mætingarvandræði, góðar einkunnir og svo allt í einu fellur hann á önn,« segir Jóhanna.

 

Hún tekur fram að hún sé mjög góður námsmaður, hafi fram til þessa verið með 7 til 9 í öllum fögum.Fór frekar í FBEftir gott gengi í FSu á fyrstu önnum varð úr að hún sótti nám í Fjölbrautaskólanum í Breiðholti, um 70 kílómetra leið, frekar en að sækja nám í sínum heimaskóla.

 

Hún segir hópaskiptinguna í skólanum hafa reynst sér erfiða. »Hver gat bara tilheyrt einum hópi og ekki var hægt að fara út fyrir hann,« útskýrir hún og bætir við að hún hafi orðið fyrir einelti og í framhaldinu misst sinn stað í sínum hópi. »Þá átti ég ekkert afturkvæmt í skólann. Ég var ein af þeim sem töluðu í rauninni við alla, en samt gat ég ekki sest hjá neinum,« segir hún. Ef fólki er ekki boðið sæti getur viðkomandi ekki sest hjá hópi að eigin frumkvæði.

 

»Neih, biddu fyrir þér! Ég átti kærasta sem sat við ákveðið borð en mér var aldrei nokkurn tímann boðið að setjast þar,« segir Jóhanna. Hún er 22 ára gömul og starfaði um tíma sem lögreglumaður á Selfossi en er búsett í Hveragerði.

 

Margir nemar grétu undan kennaraJóhanna nafngreindi stærðfræðikennara í FSu sem var henni erfiður og bauðst til að útvega blaðamanni símanúmer allt að tíu nema í viðbót sem gætu staðfest hversu óhæfur sá kennari væri. »Það voru margir nemendur sem grétu undan honum og fóru með umkvartanir sínar til skólameistara,« segir Jóhanna. Hún leitaði sjálf til meistara og fékk það svar að hún gæti verið ógnandi gagnvart kennurum. »Það er nú bara eitthvert mesta rugl sem ég hef heyrt og nemendur fengu aldrei stuðning frá skólayfirvöldum.

 

« Jóhanna segir að hún hafi upplifað alveg nýja skólareynslu eftir að hún flutti sig um set í Fjölbraut í Breiðholti, þ.ám. stuðning kennara. »Ég mun aldrei stíga fæti mínum inn í FSu aftur. Ég var svo reið á þessum tíma og er ennþá reið,« segir Jóhanna.

Í HNOTSKURN

• Fjölbrautaskóli Suðurlands var stofnaður 1981 og eigendur hans eru ríkið og sveitarfélög á Suðurlandi.
  
• Á heimasíðu skólans segir: »Samkvæmt lögum nr. 46/1980 er starfandi öryggisnefnd við Fjölbrautaskóla Suðurlands. Hennar þáttur er að gæta þess að umgjörð stofnunar sé örugg svo skólastarf geti farið fram áhyggjulaust.«

[Haukur Baukur, 25.2.2009 kl. 16:05]

Kærar þakkir Hmmm,

Þessi pistill opnar augu mín fyrir þessu.  MBL mættu hysja upp um sig og að minnsta kosti leggja til lágmarks upplýsingar svo lesendur geti lagt réttmætt mat á málið.

Ánægður að Jóhanna er sátt og sæl með FB, enda er það góður skóli

[Eyþór Finns (IP-tala skráð) 25.2.2009 kl. 16:27]

Þið eruð öll vitleysingar. Nefnið einn skóla þar sem allir nemendur eru alltaf ánægðir?

[Þorsteinn Þormóðsson, 25.2.2009 kl. 17:12]

Alltaf gaman þegfar kemur svona þroskaður einstaklingur eins og Eyþór Finns og tjáir sig!! Gaman af svona gæjum sem eru svona klárir eins og hann! Spurning hvort okkur vanti ekki svona einstakling á þing??

[núll (IP-tala skráð) 25.2.2009 kl. 18:23]

Ég skildi fréttina þannig, að Jóhanna hefði þraukað í nokkrar annir, en ekki haldið það út og flutt sig í annan skóla.  Hvernig er hægt að misskilja þessa frásögn svo svakalega sem einhverjir virðast gera ?  Það er eins og sumir trúi því ekki að í þessum ákveðna skóla geti verið hyskið starfsfólk og illa innrættir nemendur.  Að sjálfsögðu líður mörgum vel í þessum skóla, en því skyldi Jóhanna vera að ljúga til um sín mál ?

[Nix (IP-tala skráð) 25.2.2009 kl. 19:47]

Þetta er bara svo mikið væl... Hvað eiga kennararnir að gera í því að það séu hópar bla bla bla sem enginn vill hafa hana í? Kalla krakka á sinn fund og segja þeim að leyfa henni að vera memm í frímínútum?

Þetta álíka gáfulegt að hún skilda hafa samband við mbl til að kvarta yfir að kærastinn hennar hafi aldrei boðið henni að sitja hjá sér...

[Ívan Guðjón (IP-tala skráð) 25.2.2009 kl. 19:52]

Ég er nemi í fsu og það er margt kolrangt við þetta. Í fyrsta lagi er aldrei bannað manni að sitja neinstaðar, þó að maður þekki ekki einn einasta á því borði. Fólkið lítur á hvort annað með kjánalegu brosi og heldur svo áfram að gera það sem það var að gera og ef þú reynir að troða þér í umræðuna og það tekst þá ertu bara velkominn í þann hóp. Það að kærastinn hennar hafi ekki boðið henni að sitja á sínu borði gerir hana bara að lélegum kærastaveljara eða eitthvað. Með kennarann er hún líklega að tala um Magga Más sem segir þér bara sannleikann og þú ert aumingi ef þú ætlar að væla undan honum. Annaðhvort stendurðu þig vel eða ekki og það er uppá þig komið.

Ég hef alltaf fundið fyrir miklum stuðning frá skólastjóra, kennurum og námsráðgjöfum varðandi nám mitt og þegar ég var með 4fjarvistir í öllum áföngum var látið mig vita (þó að ég hafi alveg fylgst með því sjálfur) alveg tímanlega. Ég meina, maður hefur fjarvistir og nýtir sér þær ef maður kann fagið almennilega hvort sem er. 

En já, fyrri slagurinn var á white-trash svæðinu og ég ætla ekki einu sinni að reyna að verja það og strákurinn var laminn með steini af Pólverja sem var nú þegar fallinn á önn og ég hef ekki hugmynd um hvað hann var að gera á skólalóðinni, líklega bara bíða eftir misheppnuðu vinum sínum eða eitthvað.

Þetta er bara þessari Jóhönnu að kenna, hún er einfaldlega of leiðinleg og lokuð og feimin til þess að setjast þar sem hún vill.

[Gulli G. (IP-tala skráð) 25.2.2009 kl. 21:37]

Flott hjá þér Ivan Guðjón að koma með þína sögu sem nemandi skólans. Mér hefur fundist vanta í þessa umræðu alla álit fleiri en þeirra sem hafa eitthvað miður um skólann að segja. Þekki fólk sem hefur verið í þessum skóla og allir hafa þeir verið ánægðir og haldið áfram skólagöngu með miklum ágætum. Tökum það jákvæða einnig- annað væri ásanngjarnt. Held svo að allir skólar glími við sömu mál, þ.e. að ekki eru allir jafn ánægðir en ég er viss um að skólastjórnendur gera sitt besta í að finna lausn á vandanum. Gangi þér vel Ivan Guðjón og Fjölbrautarskólanum þínum. Gulli.

[AKM (IP-tala skráð) 25.2.2009 kl. 23:52]

Ég er nemandi í skólanum og ég er ósammála öllu sem kemur fram í þessum pistli.

Það hefur enginn nemandi neitt vald til að skipa manni sess eða neitað manni aðgang að einum eða neinum stað, ef að þig langar til að vera á eitthverjum stað er það ekkert mál. Ég hef aldrei séð eða frétt um það að fólki sé hafnað eða rekið í burtu frá eitthverju borði því það kemur annarsstaðar frá. Maður velur sitt sæti sjálfur og enginn annar.

Þessi umtalaði kennari er bara ekkert að slugsa við vinnuna sína. Ef að þú ert í tíma hjá honum til að læra, þá ertu velkominn. Við aðra sem að nenna hvorki að læra eða eru að trufla kennslu eða hann við starf sitt talar hann við og biður kannski um að þegja, eins og allir góðir kennarar myndu gera. 

Og kannski burtséð frá þessum pistli, þá er búið að vera mjög neikvæð umfjöllun um þessi tvö atvik sem áttu sér stað á stuttum tíma. Skólinn á ekki að taka ábyrgð á hegðun fólks sem fer að verða fullorðið. Fólk velur hvort það sé í framhaldsskóla eða ekki og getur þá vel hagað sér í samræmi við það. Skólinn gerði það sem hann gat og afgangurinn er í höndum lögreglu, svo einfalt er það.

[Ívan Guðjón (IP-tala skráð) 26.2.2009 kl. 10:06]

Og já, Hveragerði er í 40km fjarlægð frá RVK, ekki 70!