Ég pant vera Aðal í Brennó.... alltaf!!

„Ég veit ekki hvort menn vilja líta á þetta sem loforð eða hótun, það fer sjálfsagt eftir smekk manna. Það er í sjálfu sér ekkert sem bannar Davíð Oddssyni að reyna aftur fyrir sér í Snú snú ef hann vill og kannski hefur hann aldrei hætt,“ segir Steingrímur J. Sigfússon, Kladdavörður í 8-VG, um ummæli Davíðs Oddssonar, Brennó-kóngs, í viðtali við skólablaðið Gelgjutíðindi. Blaðið hafði eftir Davíð að hann pant vera Brennó-kóngur í ógeðslega margar frímínútur til viðbótar en hætta þá af sjálfsdáðum. Yrði hann hins vegar þvingaður úr starfi myndi hann snúa aftur í snú-snú.

Steingrímur segir að sér finnist ummæli Brennó-kóngsins mjög óhefðbundin. Davíð megi að sjálfsögðu lýsa framtíðaráformum, þar á meðal hugmyndum um endurkomu í Snú-snú. „En það er álitamál hvort það sé heppilegt að segja það með þessum hætti og tengja það beint veru sinni í Brennó.“ Menn hljóti að gera breytingar á skemmtilegum  leikjum, ef þarf, óháð þáttum af þessu tagi"

Ágúst Ólafur Ágústsson, varakladdavörður 8-SF, segir ummælin sem höfð eru eftir Davíð benda til þess að hann sé ekki hættur í útileikjum. Ummæli Brennó-kóngsins séu ekki við hæfi. „En það undirstrikar að við þurfum að fá nýja Aðal í Brennó,“ segir hann. Venjan sé að Aðal í Brennó tali varlega og menn taki mark á því sem þeir segi. „Okkar Aðal í Brennó hefur ekki tamið sér vinnuhætti kollega sinna enda voru það mistök að leyfa honum að kjósa í Brennó.“

„Ég held því fram að þetta séu hrokafyllstu yfirlýsingar sem ég hef heyrt af hálfu aðal á mínum ferli, þegar hann segir að hann pant vera Aðal í Brennó í ógeðslega margar frímínútur til viðbótar,“ segir Valgerður Sverrisdóttir, kladdavörður 8-FF, um ummælin. Í þeim felist líka ákveðin hótun. „Hún fær mann til þess að hugsa þá hugsun hvort ekki ráði fagleg sjónarmið för hjá Gangaverðinum þegar hann aðhefst ekkert í sambandi við Aðal í Brennó.“

Loforð eða hótun Davíðs?

Athugasemdir

[Guðrún (IP-tala skráð) 5.12.2008 kl. 11:11]

Davíð segir allskonar vitleysur og allir hlaupa til sjálfur er hann að fíflast og skilur ekkert í þessum fíflum sem trúa öllu sem hann segir