Útúrsnúningur og ruglandi orðalag?

Það má vel vera að allar staðreyndir fréttarinnar séu réttar en málnotkunin er vægast sagt áhugaverð.  Hér er verið að færa veruleikann í aðra búninga, reyna að gera raunverulega neikvæðan hlut jákvæðan með gamalli orðasálfræði.

Það gerist ef að engin slæm orð eins og tap eða rýrnun koma fram í textanum, aðeins góð orð eins og ávöxtun og ávinningur og gróði.  Sjónhverfingin er síðan sú að við drögum úr merkingu orðisns "neikvætt" ef það er á undan sterku jákvæðu orði.  Það jafnvel verður marklaust.  Með sömu hugmynd má margfalda jákvæðu áhrifin með því að setja orðið "jákvætt" fyrir framan orðin.  Til dæmis: jákvæð ávöxtun.

Þegar textinn er gagnrýndur má sjá að neikvæð ávöxtun er ekki möguleg.  Það er annað hvort vöxtur eða rýrnun.  Eitthvað fer upp og það kemur niður.  Í grunnskóla er talað um plús eða mínus.

Af hverju er þetta málfar ekki notað um veður eða heilsufar fólks?  Svarið er einfalt.  Það verður allt að bulli.

"Varað er við neikvætt björtu veðri sunnan til með miklu neikvæðu logni."

"Afi var neikvætt heilsuhraustur um 20% við uppgjör á fyrsta ársfjórðungi en vegna neikvæðrar eigin framfara eftir þriggja mánaða heilsustövun var hann tekinn til heilsuþrotaskipta í síðustu viku."

Fjármálaheimurinn notar sömu markaðstækni og þvottaefnaframleiðendur þar sem hvítt á að geta orðið meira en hvítt því hann þarf þess.

Hvaða sjálflægi siðleysingi sem er getur lítið vel út með neikvæða samhyggð og neikvætt eigin siðgæði.

Neikvæð ávöxtun erlendra eigna