Yfirvarp??

Ég virði Guðrúnu Ebbu fyrir hugrekkið að fara á fund Kirkjuráðs og lýsa uppeldi sínu og samskiptum við föður sinn.  Þetta er stórt skref og mikilvægt.

Guðrún Ebba biður um fund með Kirkjuráði til að sýna hve nauðsynlegt er að þagga ekki niður grun um áreiti og ofbeldi.  Því oft er meira á bak við þau óþægilegu atvik sem flestir sjá og velja síðan að ýta frá sér af ótta við að stíga inn í óþægilegar aðstæður. Vilja ekki verða sá sem ásakaði fyrir misskilning. 

Kannski er það vegna vakningar í þjóðfélaginu sem séra Kristján telur heppilegt að þagga ekki niður það sem rætt var á þessum fundi, en að hann velji að draga upp erfiða fortíð Guðrúnar Ebbu og stinga í fjölmiðla finnst mér að hann hefði ekki átt að gera.

Nauðsynlegt er að byggja upp traust á kirkjunni sem stofnun, og strax til dæmis er sakaskráarskimunin góð leið í rétta átt.  En séra Kristján má ekki bera sögu Guðrúnar Ebbu á torg. Það er (vonandi ómeðvituð) tilraun til að varpa kastljósinu frá kirkjunni og á hennar persónulegu fortíð.  En málið snýst ekki um hana og hennar samskipti við föður sinn heldur að starfsmaður kirkjunnar hafi getað sýnt kynferðislega tilburði, hugsanlega framið kynferðisglæpi, í skjóli þagnar.  

Þetta er ekki eina tilfellið en vonandi það síðasta ef kirkjunnar fólki tekst að slá á meðvirkni og snúa vörn í sókn.  Kirkjan má við því að opinbera glæpi og óeðlilega hegðun af öllu tagi.   Starfsfólk kemur og fer en stofnunin á að standa og á traustum grunni. 

 

Lýsti alvarlegum brotum

Athugasemdir

[Guðrún Vala Elísdóttir, 20.8.2010 kl. 22:53]

Mér finnst málið einmitt snúast um samskipti hennar við föður sinn.  Hann var prestur og síðar biskup, og það skiptir miklu máli í valdataflinu, hann var ekki bara einhver anonymus maður út í bæ.