Gengur illa að knésetja olíufurstann?

Þá er bara að meta lánshæfið upp á nýtt. 

Merkilegt að eitthvað fyrirtæki geti metið lánshæfi nú á dögum.  Það virðist enginn standa traustum fótum neins staðar og samt þykjast þeir geta metið lánshæfi. 

Fjármálaveröld okkar snýst um þetta eitt.  Allir stofni til skulda.  Allir komi með veð og ábyrgðir.  Allir borgi afborganir og vexti. 

Þetta þýðir að fyrir rest skulda allir öllum allt og enginn getur borgað neinum neitt.

Eiturslangan sem byrjaði að éta sjálfa sig er nú komin að því að kyngja síðasta bitanum.

Fyrirtæki og bankar í Dubai í ruslflokk

Athugasemdir

[Ásgrímur Hartmannsson, 3.12.2009 kl. 20:58]

Næstum, en ekki alveg:

Allir stofni til skulda.  Allir komi með veð og ábyrgðir.  Allir borgi afborganir og vexti. 

Rétt, en: Enginn framleiðir neitt.

Allt batteríið þarf nauðsynlega að fara á hausinn, sem almennilegast, til þess að vinsa burt þá sem framleiða ekkert.  Þeir eru bara að búa til loftbólu.

[Dagrún Steinunn Ólafsdóttir, 3.12.2009 kl. 22:19]

Haukur þetta er góður punktur hjá þér:)