Vandkvæði skjóta upp kollinum?

Þeim tókst að ræða við og semja við breta og Hollendinga, ræða nokkrar umferðir á alþingi og loks samþykkja sem lög, en sjá það núna, að

"það getur verið vandkvæði fyrir tryggingasjóðinn að takast á við skuldbindinguna og það geta verið vandkvæði á því  fyrir fjármálaráðherra að veita ábyrgðina."

Er það vegna þess að 3 gr. Efnahagsleg viðmið, er ennþá inni.

Ríkisábyrgð samkvæmt lögum þessum er grundvölluð á því að fjárhagsleg byrði vegna hennar verði innan viðráðanlegra marka þannig að Íslandi verði gert kleift að endurreisa fjármála- og efnahagskerfi sitt.

og að nú sé það að viðurkennast að við getum ekki innan"viðráðanlegra" marka greitt ICESAVE.

"Niðurstaðan og aðalatriði málsins er það að það er ekki komið lausn í málið með því að desemberlögin falla úr gildi, heldur þvert á móti er það þá áfram óleyst"

Er þetta fjármálaráðherra Bretlands að tala?

Ríkisstjórnin okkar er á bólakafi í meðvirkni, og finnur ekki kjark til að rífa sig upp úr vitleysunni og draga mörk.  Þetta er klassískt dæmi og sambærilegt foreldrunum sem þora ekki annað en semja um yfirdráttarlán á forsendum bankans, og fjölskyldan þarf að svelta á meðan. 

Steingrímur, þú þarft ekki að vera svefnlaus og óttasleginn.  Öll þjóðin stendur með þér ef þú bara talar við hana, leggur spilin á borðið og biður um samstöðu og styrk.

Láttu vaða :)

Vandkvæði á gildistöku fyrri Icesave-laga

Athugasemdir

[Ófeigur (IP-tala skráð) 15.1.2010 kl. 14:55]

Alveg er þetta lýsandi fyrir vinnubrögð þessarar stjórnar, frá A-Ö! Steingrímur kaus sjálfur með lögunum í ágúst, en núna eru þau ómöguleg. Er semsagt ALLT vanhugsað og illa unnið sem frá þeim kemur... eða er allt öðrum að kenna eins og venjulega?