Hvað er ódýrt??

Nú er tíminn til að spyrja sjálfan sig þessarar spurningar. Neyslufíkn þjóðfélagsins er ógnað með óþrjótandi magni af ónauðsynjum sem kosta upp að og yfir atvinnuleysisbótum í heilan mánuð. Tökum dæmi iPhone 4. Snilldar sími og vönduð vara, en af hverju kostar hann yfir 130 þúsund krónur?

Í framleiðslu kosta íhlutir í iPhone 4 um 187 dollara og tilbúinn síminn er að kosta um 250 til 280 dollara.  Í Bandaríkjunum eru iPhone4 símar sem eru læstir AT&T og Verizon seldir á verðum frá 199 dollara, en þessi fyrirtæki fá peninginn til baka í formi þjónustugjalda.

Íslenskt tilboð á iPhone4 ætti því að vera um  49 þúsund fyrir læsta síma og kannski 69 þúsund fyrir hina.

Svo skilst mér að á Íslandi sé ekki veitt full viðgerðarþjónusta fyrir iPhone frá umboði sem er mjög skrítið fyrir 139 þúsund króna vöru.

Margir rísa á fætur og verja svona viðskipti og telja fram margar kosti. En það eru ekki simarinir sem eru svona æðislegir heldur hvað þeir veita fólki. Eins og alkinn eða reykingamaðurinn sem á ekki fyrir mat en reddar alltaf tóbaki og öli þá finnur símafíkillinn sér alltaf leið til að eignast stjarnfræðilega dýra vöru til að svala fíkninni. Skýringin er farsímafíkn eða smartsímafíkn sem lesa má nánar um á heimasíðu Mannvirkjunar .

Svo í lokin er hérna "ódýrasti" smartsíminn en það er næstum því sex sinnum ódýrara að týna honum eða missa í drullupoll en iPhone4.

Tegund Týpa Litir Verð Þyngd Breidd Hæð Þykkt Skjár Skjástærð Stýrikerfi 3G EDGE WiFi GPS Ovi Maps Myndavél Autofocus Myndbandsuppt. Innb. minni Minniskort Kort fylgir Bluetooth MMS FM útvarp MP3 spilari Innrautt Sjónvarp í símann

Apple iPhone 4 Svartur 139.990 kr. 137 58,6 115,2 9,3 640x960 3,5" iOS 4 5 MP 720p@30fps 16 GB

Vodafone 845 Svartur 24.990 kr. 110 gr 56 100 14 240x320 2,8" Android 2.1 3,2 MP Já 512 MB microSD

(smanburður sóttur 23. mars 2011 á www.vodafone.is)

Símar seldust upp á rúmri mínútu